ينام على الكتب 1 سبتمبر 2010

 

السلام عليكم ورحمة الله و بركاته

 

 

اتخيل نفسي ايام الثانوية ان يعني من كثر الشطاااااااره

 

ادرس و ادرس و ادرس لمااا انام على الكتب و امي تدخل بتجيك اني ادرس

 

 

 

و تشوفني نايمه و اكسررر خاطرها و تدعي لي

 

 

بس الصج شنو ؟؟؟؟؟

 

إن هذا لا كتاب و لا شي هذا مخده ,, واااي احسها حدها تنفع حق اخوي !

 

بس يبيله يخلوها كتب حسب الطلب , يعني اي منهج خاطركم فيه ؟ يسوون مخده عليه

 

 

و حق المرضى الي يعانون هذي خوووووش مخده

 

و حق الي مهما حطوا منبهات و قربوها يمهم ما يسمعونها

 

مالهم الا هالمنبه الي يكون بالمخده !! عاد ان ما قعد و هذي ترن تحت راسه بالضبط

 

يطلع صج ……

 

 

 

 

نوماً هنيئاً

To0o0ona 7 مارس 2010

السلام عليكم و رحمة الله و بركاته

عجبني شي بأكثر من موقع انهم مثلاً يعطونك اخر الاخبار او المقالات بأحد المواقع و البلوجات او المميز منها فقط كأنه share لكن الفرق انه هالمواقع شخص واحد يعني مو الكل يسوي share عليها , المهم انهم اعجبوني و قلت اي شي يستحق اني اشيد فيه لازم احطه في مدونتي خصوصاً للمدونين العرب , هذي تدوينة من الاخت

" To0o0ona" و حدها اعجبتني و قلت احطها , اول مره احس ان في احد حاس بفلكر

تفضلوا

تدوينتها و بعنوان العاب فليكراوية <—مادري اذا كتبت العنوان صح !!

الله يعطيج العافيه وخيتي حدي استانست عليهم

أجرب Windows Live Writer 27 فيفري 2010

 

السلام عليكم و رحمة الله و بركاته

بمدونة " المقداد " وجدت أنه ينصحنا بتجربة برنامج Windows Live Writer و فعلاً إنني أجربه الآن , كنظرة أولى له فإني فعلاً أنصح به خاصةً و أنه لا يُحتكر على الويندوز لايف و انما يعمل على أي نوع من أنواع المدونات

للإطلاع على المميزات التدوين من سطح المكتب .

تتابع بلوج او تويتر؟ 1 ديسمبر 2009

السلام عليكم ورحمة الله و بركاته

اكاد اقسم ان مافي احد غيري بالبلوج ,بس يلا انا احط و ان شاء الله يوماً ما احد يستفيد من الي احطه :p

شنو احسن ؟ تتابع بلوج اشخاص معينين و لا تويتر ؟ يعني انا حاليا اذا شخص حط شي في بلوجه اعلن عنه في تويتر فأعرف ان في شي يديد بالبلوج و ازوره عن طريق الرابط الي حطه في تويتر .. صح ؟ احسن من اني اجيك على بلوج بلوج “من الي صج اتابعهم و انتظر جديدهم ” جذي ماراح اخلص !! بس للاسف هالشي يمشي على كل البلوجات الاجنبيه و نادر عند البلوجات العربية لأن مو الكل سواه له اكاونت على تويتر ولا الكل قدر هالشي في تويتر